Урбани и месни заедници

Месна самоуправа во општината

Граѓаните во Општината одлучуваат за работите од непосредно и секојдневно значење од својот живот и работа и преку облици на месната самоуправа.

Во Општината како облици на Месна самоуправа можат да се основаат во градот – урбани заедници, а во другите населени места – рурални заедници.

Обликот на Месна самоуправа се основа во градот, за урбана единица согласно урбанистичкиот план, а за останатите населени места на катастарската општина на населеното место.

Граѓаните преку облиците на месната самоуправа се грижат за:

• Решавање на прашања од комуналната инфраструктура за соодветното подрачје
• Изградба и одржување на објекти од јавен интерес (водоводи, улици, културни домови, спортски објекти и др.)
• Заштита на животната средина и природата
• Уредување и одржување на гробиштата, во селските населби
• Покренување иницијатива за уредување на просторот
• Организирање културни, спортски, забавни и други манифестации и
• Други работи од неспоредно секојдневно значење за животот и работата на граѓаните

Советот на облиците на месната самоуправа дава иницијатива и предлози до надлежните органи на Општината, за прашања од областа на образованието, здравството, социјалната заштита и други прашања од интерес на граѓаните.