Sporti në fokus të Komunës së Kërçovës

Në organizim të kryetarit të Komunës së Kërçovës, dr. Aleksandar Jovanovski, dhe Komitetit Olimpik, në Kërçovë u mbajt një trajnim njëditor për administratën sportive dhe zhvillimin e sportit lokal.

Në këtë trajnim u trajtuan tema të rëndësishme që lidhen me programet olimpike, avancimin e administratës sportive, zhvillimin e sportit lokal, si dhe me sfidat me të cilat përballen punonjësit sportivë dhe klubet sportive në nivel lokal.

Në këtë ngjarje mori pjesë edhe presidenti i Komitetit Olimpik, Daniel Dimevski, i cili zhvilloi edhe një takim pune me kryetarin dr. Aleksandar Jovanovski. Gjatë këtij takimi u diskutua për të njëjtat tema, me theks të veçantë mbi mundësitë për avancimin e sportit në Komunën e Kërçovës, mbështetjen e talenteve të rinj dhe krijimin e kushteve më të mira për zhvillimin e sportit.

Në trajnim morën pjesë profesorë të edukatës fizike nga të gjitha shkollat e Komunës së Kërçovës, si dhe trajnerë të klubeve të futbollit, hendbollit, basketbollit, karatesë dhe sporteve të tjera, të cilët me pjesëmarrjen e tyre aktive dhanë një kontribut të rëndësishëm në shkëmbimin e ideve dhe përvojave.