Обновливи извори на енергија, иновативен чекор на современиот технолошки развој

Изградбата на фотоволтаични централи на врвот на новата општинска зграда е голем чекор кон подобрување на енергетската ефикасност во општина Кичево.

Оваа иницијатива не само што заштедува големи количини електрична енергија и финансиски ресурси, туку придонесува и за енергетската транзиција, особено во регионите кои традиционално се зависни од јаглен во Северна Македонија.

Инсталирањето на фотоволтаични станици од 40 KW во училиштата, градинките и другите општински спортски објекти ќе ја зајакне оваа заложба за чиста и обновлива енергија.

Прифаќајќи ги зелените технологии, општина Кичево покажува силна посветеност на поодржлива енергетска иднина, која не само што носи придобивки за животната средина, намалени трошоци, туку и им помага на јавните институции да ги намалат трошоците за енергија.

Досега имаме инсталирано 370 KW во нашите јавни објекти и ветуваме дека оваа иновативна практика ќе продолжи и во иднина.