Qyteti i Kërçovës për herë të parë shkëlqeu në petkun e Vitit të Ri, me një program dyditor festiv të Vitit të Ri, të përshtatur për çdo shije

Për herë të parë në Kërçovë, nata e Vitit të Ri u shënua me një festë të përbashkët në ambient të hapur, në frymën e bashkimit, energjisë pozitive dhe shpresës për suksese të reja, pavarësisht temperaturave të ulëta.

Ngjarja përfaqësonte më shumë se një festë të zakonshme – ajo shënoi fillimin e një tradite të re, të cilën Komuna e Kërçovës synon ta kultivojë, ta zhvillojë dhe ta organizojë në një nivel edhe më të lartë në të ardhmen.

Kryetari i Komunës, z. Aleksandar Jovanovski, dhe Komuna e Kërçovës shprehin mirënjohje të sinqertë për të gjithë gastronomët për përkushtimin dhe profesionalizmin e tyre, për artistët muzikorë dhe të gjithë pjesëmarrësit që kontribuan në krijimin e atmosferës festive, si dhe për ekipet përgjegjëse për përgatitjen teknike dhe realizimin e shkëlqyer të ngjarjes.

Kërçova vazhdon t’i jetojë ditët festive të mbushura me muzikë, argëtim dhe energji pozitive, duke konfirmuar përkushtimin e saj për zhvillim kulturor dhe shoqëror.

Gjithashtu, Komuna e Kërçovës u shpreh falënderime të gjithë bashkëqytetarëve për praninë dhe mbështetjen e tyre, me bindjen se së bashku do të vazhdojmë të ndërtojmë një të ardhme më të mirë.

Të gjithë qytetarëve ua urojmë Vitin e Ri 2026, me urime për shumë shëndet, lumturi, dashuri dhe mirëqenie në çdo shtëpi.