Njoftim për publikimin e fituesve të bursave në Komunën e Kërçovës

Komuna e Kërçovës njofton të gjithë qytetarët dhe aplikantët se janë shpallur rezultatet e përzgjedhjes për përfituesit e bursave për vitin akademik 2024/2025. Për të ruajtur konfidencialitetin dhe në përputhje me Ligjin për Mbrojtjen e të Dhënave Personale të Republikës së Maqedonisë së Veriut, listat e fituesve do të publikohen në uebfaqen zyrtare të komunës me numrat arkivorë të aplikantëve. Kjo masë është ndërmarrë me qëllim mbrojtjen e privatësisë dhe garantimin e sigurisë së të dhënave personale të të gjithë pjesëmarrësve.

Aplikantët mund të përdorin numrin arkivor që kanë marrë gjatë procesit të aplikimit për të kontrolluar renditjen dhe statusin e tyre në listën përkatëse. Ky numër do të jetë identifikuesi i vetëm që do të përdoret për të garantuar anonimitetin dhe mbrojtjen e të dhënave personale.