Më dt. 09.05.2019 (e enjte) dhe dt. 10.05.2019 (e premte), administrata e Komunës së Kërçovës, në krye me Sektorin e Arsimit të Komunës së Kërçovës, shfaqën përpara maturantëve të SHMK “Drita” dhe SHMK “Mirko Mileski” rezultatet statistikore nga hulumtimi i kryer analitik nëpër institucionet lokale publike, në lidhje me kërkesat që mund të shfaqen në periudhën pas 3-4 vitesh, duke shqyrtuar nga aspekti i profesioneve që do të kërkohen (drejtimet). Gjithashtu, përpara maturantëve u shfaqën edhe statistikat në lidhje me numrin e të papunësuarve të paraqitur në Agjencinë për punësim (në bazë të profileve të shfaqura paraprakisht). Së fundmi, me analizën e kryer statistikore, nga diferenca në mes numrit statistikor të profesioneve të kërkuara në periudhën pas 3-4 vitesh, me numrin e të papunësuarve që kërkojnë punë për momentin, të profileve (profesioneve) të njëjta (të theksuara paraprakisht), u arrit në rekomandimet (sugjerimet) për drejtimet (profesionet) deficitare të mundshme, të cilat iu sugjeruan maturantëve për t’i përzgjedhur si drejtime të mundshme gjatë regjistrimit të tyre në fakultetet e vendit. E gjithë kjo, me qëllim udhëzimin për drejtimet të cilat janë deficitare, por gjithmonë duke folur për institucionet lokale publike.
