SHPALLJE

Në bazë të Plan Programit për organizimin e Punëve publike në rajonin e Komunës së Kërçovës për vitin 2020, Komisioni i Komunës së Kërçovës, për përzgjedhjen e gjithësej 45 kandidatëve të cilët do të angazhohen në realizimin e punëve publike në teritorin e Komunës së Kërçovës, në pajtim me Vendimin e Kryetarit të Komunës së Kërçovës me nr.09-971/2 nga dt. 17.08.2020, e publikon këtë:

S H P A L L J E
për punë publike në rajonin e Komunës së Kërçovës për periudhën 2020/2021

1. Publikohet Shpallja për angazhimin e gjithësej 45 personave të papunë nga kategoritë e rrezikuara sociale, të cilët do të angazhohen në realizimin e punëve publike në teritorin e Komunës së Kërçovës në pajtim me Programin për punë publike.

2. Për angazhim në punë publike, kandidatëve të përzgjedhur do tu takojë kompenzim në të holla i përcaktuar me kontratë, me të cilën do të rregullohen të drejtat dhe obligimet e palëve kontraktuese dhe atë:

a) 6 persona me orar pune të shkurtuar, kompenzim financiar në bruto lartësi prej 7.600,oo denarë ;

b) 39 persona me orar pune të plotë, kompenzim financiar në bruto lartësi prej 11.800,oo denarë.

3. Angazhimi në punë publike do të realizohet në periudhë nga dt.02.09.2020 e deri me dt.31.08.2021.

4. Kandidatët që do konkurojnë duhet t’i plotësojnë këto kushte :

– Të jenë banorë të Komunës së Kërçovës (dëshmohet me shiqim të letërnjohtimit )

– Të jenë të papunësuar (dëshmohet me Vërtetim nga Agjencioni për punësim).

5. Shpallja do të publikohet në Tabelën e publikimeve dhe faqen elektronike të Komunës së Kërçovës dhe e njejta do të zgjasi (5) pesë ditë, nga dita e publikimit.

6. Kërkesat me dokumentacion të kompletuar të dorëzohen në arkivin e Komunën së Kërçovës me shenjë për Shpallje për punë publike 2020.

Download (DOC, 35KB)

THIRRJE PUBLIKE

Në bazë të nenit 16 të Ligjit për taksa komunale (“Gaz. zyr. e RM-së” nr. 61/2004, 64/2005, 92/2007, 123/2012, 154/2015 dhe 23/2016), dhe në bazë të Rregullores për Lirimin nga taksa komunale për firmë nr.09-1573/1 të dt. 29.7.2020, Kryetari i Komunës së Kërçovës shpall:

 

THIRRJE PUBLIKE

Për personat juridikë për lirimin nga pagesa e taksës komunale për firmë, gjegjësisht titull (firmarinë) për vitin 2020

 

Thirren të gjithë Personat juridikë që kryejnë veprimtari hotelierike – gastronomike (restorante, kafe, bare, çajtore), në territorin e Komunës së Kërçovës, ndërsa janë obliguesë të taksës komunale për firmë, gjegjësisht titull (firmarinë), në pajtim me Ligjin për taksa komunale, të parashtrojnë Kërkesë për lirim nga pagesa e taksës komunale për firmë, gjegjësisht titull (firmarinë) për vitin 2020.

Afati përfundimtar për parashtrimin e Kërkesës është dt. 30.9.2020.

Personat juridikë të interesuar të cilët i përfshin kjo masë janë të obliguar që t’i ndërmaarin hapat vijuesë:

  1. Deri te Komuna e Kërçovës të parashtrojnë Kërkesë në ekzemplar të përgatitur me shtojcë dokumente vijuese:
  • Gjendja ekzistuese jo më e vjetër se 6 muaj (e dhënë nga Regjistri qëndror)
  • Çertifikatë (Aktvendim) për regjistrim të operatorëve me ushqim (të dhënë nga Agjencia për ushqim dhe blegtori)

Kjo thirrje hyn në fuqi me ditën e shpalljes së të njëjtës dhe llogaritet se Personat juridikë janë të informuar në këtë mënyrë.

Personat juridikë që do ta lëshojnë afatin për parashtrimin e Kërkesës, ngelen obliguesë të taksës komunale për firmë, gjegjësisht titull  (firmarinë) dhe kanë obligim për pagesë të së njëjtës, si dhe pagesë të kundër vullnetshme, dënim në të holla, shpenzime shtesë etj., të cilat eventualisht mund të shkaktohen si pasojë e mospagesës së të njëjtës.

 

Në qoftë se, disa nga personat juridikë më e kanë kryer pagesën e kësaj takse komunale për vitin 2020, deri te Njësia për tatim dhe taksë komunale, zyra nr.22, përveç dokumenteve të lartëtheksuara, janë të obliguar që të dorëzojnë provë për pagesën e kryer, me çka shuma e paguar për vitin 2020 do t’u llogaritet si pagesë e taksës komunale për vitin e ardhshëm.

 

THEKSIM: Kjo Thirrje publike ka të bëjë vetëm për personat juridikë të cilët kryejnë veprimtari hotelierike – gastronomike (restorante, kafe, bare, çajtore), të cilat për shkak të pandemisë me Kovid 19 me Urdhëresa të Qeverisë periudhë më të gjatë kishin pengesë të kryejnë veprimtari hotelierike.

Download (DOCX, 16KB)

KONKURS

Për ndarje të bursave për studentet e vitit akademik 2020/21

APLIKIMI
Të drejtë për aplikim në këtë konkurs kanë studentët që studijojnë në ndonjë prej universiteteve shtetërore të Republikës së Maqedonisë, apo në ndonjë prej universiteteve private brenda dhe jashtë vendit.

KUSHTET

  1. Të jenë studentë të vitit I,II, III, IV dhe V;
  2. Të jenë studentë të rregullt;
  3. Të mos kenë përsëritur gjatë studimeve;

Studentët nga viti I (parë) duhet të dorëzojnë fotokopje diplomën e shkollës së mesme dhe dëftesat e notave nga viti I deri te viti i IV ( katërt ), si dhe vërtetim nga regjistrimi i vitit akademik si student i rregullt në universitet.

Studentët e vitit të II ( dytë ), III ( tretë ), IV (katër), V (pestë) si dhe  studentët postdiplomik duhet të dorëzojnë certifikatën e notave nga viti paraprak ose gjithsej 80% e provimeve të dhëna, vërtetim nga universiteti si student i rregullt.

Bursat do te ndahen për dy kategori

  • Për Studentë me sukses të lartë të studimeve, gjithsej 20 bursa
  • Për Studentë nga familjet me gjendjen të rendë ekonomike, gjithsej 20 bursa

DOKUMENTET E NEVOJSHME

  1. Fletëparaqitje, të cilën mund ta merrni në linkun e më poshtëm
  2. Kopje e letërnjoftimit ose pasaportës
  3. CV (biografi)
  4. Kopje të indeksit për studentët ( dy faqet a para ku është fotografija dhe faqen ku është vërtetuar semestri i fundit), kopje të dëftesave të notave nga viti I deri te viti IV ( për studentët e vitit të I-rë )
  5. Vërtetim se eshte i regjistruar ne Universitet
  6. Certifikatë e notavе
  7. Vertetim nga Enti për punësim dhe deklarat ne noter nese eshte I papunsuar
  8. Vërtetim për të ardhurat e realizuara të anëtarve të familjes ose dokument tjetër që do të vërtetojë të ardhurat
  9. Çertifikatë e gjendjes familjare

KRITERET
Vlersimi I kandidatve për kategorinë e I (pare) do të bëhet në bazë të këtyre kritereve:

  1. Suksesi i arritur nga viti paraprak 60%
  2. Të ardhurat mujore 30%
  3. Numri i antarve të familjes 10%

Vlersimi I kandidatve për kategorinë e II (dytë) do të bëhet në bazë të këtyre kritereve:

  1. Suksesi i arritur nga viti paraprak 30%
  2. Të ardhurat mujore 60%
  3. Numri i antarve të familjes 10%

Vlersimi do të bëhet sipas Rregullores e sjellur nga Komuna e Kërçovës me nr.09-2102/1, në rastet e studentve pa prindër, do tu shtohen 10pikë shtesë

VLERA E BURSËS

Vlera e bursës për studentët që ndjekin studimet në vitin akademik 2020/21, do të jetë: 24.000 denarë  ku do t’u paguhet nga 3000 den  gjatë 8 muajve

VENDI DHE AFATI I DORËZIMIT TË DOKUMENTACIONEVE

Aplikimet për bursë dorzohen ne Arkivin e Komunës së Kërçovës, nga ora 11:00 deri në ora 15:00, ose nëprmjet postës në adresën Komuna e Kërcovës rr.Boris Kidric nr.1 deri më date 30.09.2020

Aplikimet  pakompletuara, nuk do të shqyrtohen nga Komisioni për ndarjen e bursave.

Download (DOCX, 47KB)

SHPALLJE PUBLIKE

Në bazë të Programit për mbështetjen e zhvillimit ekonomik lokal në të cilin është paraparë buxhet për “Mbështetje të sipërmarrjes, planet e biznesit, duke filluar me fillimin e bizneseve të reja dhe zbatimin e projekteve që kontribuojnë në uljen e papunësisë në komunën” dhe për “punësim të subvencionuar” me qëllim Krijimin e një ekonomie konkurruese në biznesin privat, mbështetjen e zhvillimit të NVM-ve dhe sipërmarrjes, si dhe në bazë të Planit operativ dhe udhëzimet për zbatimin e masave për vetëpunësim, Komuna e Kërçovës e shpall këtë si vijon:

SHPALLJE PUBLIKE
për personat e papunë dhe punëdhënësit nga ndërmarrjet mikro dhe të vogla

  1. Thirren personat e papunë në territorin e Komunës së Kërçovës regjistruar në Qendrën e punësimit – Kërçovë dhe punëdhënësit e ndërmarrjeve mikro dhe të vogla që duan të zgjerojnë dhe zhvillojnë biznesin e tyre me hapjen e vendeve të reja të punës, për të aplikuar për pjesëmarrje në masat aktive për vetëpunësim. Punëdhënësit të cilët ofrojnë punë shtesë për personat e papunë dhe persona të papunësuar që punësimin e tyre duan ta realizojnë me mbështetjen financiare të dhënë nga Komuna e Kërçovës, në bazë të Planit të paracaktuar operativ dhe udhëzimet për zbatimin e masave për vetëpunësim, duhet të paraqesin një kërkesë në arkivin e Komunës së Kërçovës.
  2. Masat e parashikuara për vetëpunësim përfshijnë:
    – Mbështetja e sipërmarrjes, planet e biznesit, fillimi i bizneseve të reja fillestare dhe zbatimi i projekteve që   kontribuojnë në reduktimin e papunësisë në komunë.
    – Subvencionimi për një punë të re
  1. Masa 1. Mbështetja e sipërmarrjes, planet e biznesit, fillimi i bizneseve të reja fillestare dhe zbatimi i projekteve që kontribuojnë në uljen e papunësisë në komunë

Kandidatët të cilët do të përmbushin kriteret e specifikuara në Planin Operativ, do të kenë këto të drejta dhe detyrime:

– të regjistrojnë subjekt juridik në Regjistrin Qendror të Republikës së Maqedonisë,

– të vetëpunësohen

– të marrin mbështetje financiare për zhvillimin e plan biznesi (shuma do të zbritet nga shuma totale e grantit të marrë)

– të shfrytzojë grant në shumën maksimale prej 180,000.00 denarë dhe lirim nga detyrimi për të paguar  taksë komunale (firmarinë) për një periudhë dyvjeçare.

– të sigurojë kushte për monitorim të pandërprerë të punës së subjektit juridik për kohëzgjatjen e kontratës.

Nëse përfituesit e përzgjedhur të grantit që nënshkruan një marrëveshje me komunën, nuk i respektojnë detyrimet e ndërmarra në Kontratën, do të zbatohen sanksionet e parashikuara në rast të vonesës:

– në rastin e ndërprerjes me kryerjen e veprimtarisë të personit juridik para kalimit të dy viteve nga data e regjistrimit të biznesit, përveç në rast të vdekjes ose paaftësisë së përhershme, personi i cili themeloi kompaninë është i obliguar që, brenda 12 muajve të kthejë:

– 80% e fondeve të shfrytëzuara nga Programi, nëse ndërpret me kryerjen e veprimtarisë para përfundimit të vitit të parë të fillimit të biznesit

– 60% e fondeve të shfrytëzuara nga Programi, nëse ndërpret me kryerjen e veprimtarisë para skadimit të vitit të dytë të fillimit të biznesit.

– Nëse pas skadimit të çdo tre 6 muaj nga regjistrimi i biznesit gjatë dy (2) viteve nga regjistrimi i bizneseve nuk ka të realizuar transaksion financiar (dmth. të paguar pagë bruto) përmes Drejtorisë së të Ardhurave Publike, Komuna e Kërçovës dërgon  shkresë, vërejtje për jo aktivitetin e firmës. Nëse pas skadimit të dy (2) muajve nga data e dorëzimit të vërejtjes, shfrytzuesi i grantit vazhdon me mosrealizimin e transaksioneve financiare në Drejtorinë e të Ardhurave Publike, Komuna e Kërçovës do të fillojë procedurë për të rimarrë fondet e përdorura nga programi.

  1. Domuntet gjatë aplikimit

– formular për aplikim

– biznis plan

– vërtetim se nuk eshte i punsuar

  1. Të drejtat dhe detyrimet nga masa 1 do të jenë të rregulluara me Kontratën e lidhur ndërmjet Komunës së Kërçovës dhe kandidatëve të përzgjedhur.

 Masa 2. Subvencionimi për një vend të re pune

Kompanitë që plotësojnë kriteret e dhëna në Planin operativ, do të kenë këto të drejta dhe detyrime:

– të përdorin subvencione të pagave (pagesën e kontributeve të pagës minimale, të sigurimit të detyrueshëm) për punësim shtesë të një apo më shumë personave për një periudhë prej 12 muajsh, me një detyrim që personi / personat të vazhdojë të punojë për të paktën 12 muaj pas përfundimit të subvencionimit

– të jenë të liruar nga detyrimi për të paguar taksën komunale (firmarinë) në periudhë prej dy vitesh

– Subjekti juridik që do të punësojë person shtesë dhe do të jetë përfitues i masës për subvencionim të vendit të punës, ka detyrim për të mbajtur personin për të paktën 12 muaj pas përfundimit të subvencionimit apo në vendin e tij të punësojë një person tjetër të papunë. Përndryshe, punëdhënësi do të duhet të kthejë fondet e përdorura në tërësi, brenda 12 muajve.

Nëse punonjësi shtesë jep dorëheqjen në vendin e punës për kohëzgjatjen e subvencionit, pastaj subvencioni nga komuna ndalon, derisa nuk gjendet një zëvendësim për punëtorin ose përgjithmonë.

Dokumentet gjatë aplikimit

– formular për aplikim

– gjendjen rrjedhse

– vërtetim per personat e punsuar (agjensioni per punsim)

  1.  Të drejtat dhe detyrimet nga masa 2 do të rregullohen me Kontratë të lidhur ndërmjet Komunës së Kërçovës dhe kompanive të përzgjedhura
  1. Kandidatët e interesuar nga pika 1 e kësaj Shpallje, mund të dorëzojnë aplikime në arkivin e Komunës së Kërçovës, çdo ditë pune nga ora 10.00 deri në ora 15.00, më së voni deri më dt. 28.08.2020
  1. Kandidatët e interesuar për aplikim, fletëparaqitjet mund t’i gjejni mëposht.
  1.  Informata shtesë në lidhje me masat për vetëpunësim të cilat i realizon Komuna e Kërçovës, mund të merren   në hapësirat e Komunës së Kërçovës.

FORMULAR PËR APLIKIM MASA 1

FORMULAR PËR APLIKIM TË NDËRMARRJEVE MASA 2

Përshkrimi Teknik i biznes idesë me specifikë  të paisjeve dhe materialeve të nevojëshme

Plani operativ dhe udhëzimet për zbatimin e masave për vetëpunësim në Komunën e Kërçovës

KOMUNA E KËRÇOVËS

THIRRJE PUBLIKE

Në bazë të Programit për avancimin e Mjedisit jetësor, pika 7 për subvencionim të qytetarëve për furnizimin e pajisjeve klimatike invertorë të efikasitetit të lartë për ngrohje, për vitin 2020, me nr.08-3112/9 të dt. 26.12.2019, Komuna e Kërçovës shpall:

 THIRRJE PUBLIKE

për kompensimin e shpenzimeve për furnizimin e pajisjeve klimatike – invertorë të efikasitetit të lartë për vitin 2020 për qytetarët e rajonit të Komunës së Kërçovës

Ndotja e ajrit është problemi më serioz me të cilin ballafaqohet civilizimi jonë, ndërsa ajo më së shpeshti është e shkaktuar nga aktivitetet njerëzore.

Komuna e Kërçovës, me qëllim të stimulimit të banorëve (amvisërive) për zvoglimin e ndotjes nga ngrohja e vendbanimeve, me qymyr, naftë, dru ose naftë të papërpunuar, me qëllim të zvoglimit të prishjes së cilësisë së ajrit ambiental në qytet dhe të rritjes së numrit të qytetarëve që do të vendosin të investojnë mjete për mënyrë të re të ngrohjes, gjegjësisht nxitjen për shfrytëzim të pajisjeve më cilësore për ngrohje, banorëve që kanë blerë klima-invertorë në vitin ekzistues 2020, më së voni deri në ditën e kohëzgjatjes së Thirrjes publike, përfundimisht me 15 tetor të vitit 2020, do të ju kompensohen shpenzimet e kryera gjatë furnizimit të klimave-invertorë, në lartësi jo më shumë se 62.000,00 den., tatim personal të përfshirë të të ardhurave për amvisëri, të cilin e përllogarit dhe e paguan Komuna.

Thirrja publike do të zgjasë nga dita e shpalljes përfundimisht me 15 tetorin e vitit 2020 dhe do të realizohet sipas parimit “I pari i ardhur, i pari i shërbyer”.

I Shfrytëzuesë që do të përfshihen me masën e kompensimit të shpenzimeve të qytetarëve për furnizimin e klimave-invertorë:

Banorë të Komunës së Kërçovës, persona fizikë bartës të amvisërive, të cilët do të blejnë dhe montojnë pajisjes klimatike invertorë të efikasitetit të lartë për ngrohje të amvisërive të tyre (objekt banimi) në vitin 2020, më së voni deri në ditën e kohëzgjatjes së thirrjes publike dhe që do të dorëzojnë paraqitje në kohë dhe të kompletuar në thirrjen publike.

II Mjete të parapara:

Me subvencionin/kompensimin e shpenzimeve për furnizimin e klimave invertorë, shuma maksimale që subvencionohet është deri më 62.000 den., në të cilën shumë është përfshirë edhe tatimi personal në të ardhura, të cilin e përllogarit dhe paguan Komuna e Kërçovës, ndërsa do të jenë të përfshirë parashtruesit e paraqitjes sipas parimit “i pari i ardhur, i pari i shërbyer”, deri në shterjen e mjeteve të parapara në buxhetin e Komunës për vitin 2020.

III Kushte që duhet t’i përmbushë kërkuesi:

Kërkuesit janë të obliguar t’i përmbushin kushtet vijuese:

  • të kenë vendbanim në rajonin e Komunës së Kërçovës;
  • të mos kenë të shfrytëzuar subvencione për ngrohje (ngrohje në peleta/invertorë) në amvisërinë e vete (objekt banimi) nga Komuna e Kërçovës dhe institucione tjera shtetërore;
  • deri në parashtrimin e kërkesave, të jenë shfrytëzuesë të ngrohjes me qymyr, dru, naftë ose naftë të papërpunuar;
  • t’i dorëzojnë pajisjet ekzistuese për ngrohje me qymyr, dru, naftë ose naftë të papërpunuar deri te deponitë e autorizuara për hekur në riciklim;
  • pajisjet e furnizuara të jenë të blera në vitin 2020, deri në përfundimin e Thirrjes publike, të njëjtat të jenë të paguara në tërësi dhe të jenë të instaluara në adresën e banimit, të theksuar në letërnjoftimin e kërkuesit;
  • pajisjet e furnizuara detyrimisht të kenë së paku karakteristikat vijuese: të kenë sëpaku COP 3.5, të ngrohin në temperaturë të jashtme prej -15°C dhe të jenë së paku A+ klasë energjetike për shpenzimin e energjisë elektrike për ngohje;
  • objekti i banimit të mos jetë në fazë të ndërtimit dhe në të kërkuesit të jetoj;
  • t’i ketë të paguar të gjitha taksat dhe tatimet drejt Komunës së Kërçovës, përfundimisht me vitin 2019.

IV Dokumentacion i nevojshëm që duhet të dorëzohet drejt Kërkesës për Thirrjen publike – dokumentacion që duhet të dorëzohet si provë për përmbushjen e kushteve të lartëtheksuara:

  • Kërkuesi, në fazën e parë të aplikimit, në mënyrë obligative duhet të dorëzoj dokumentacionin vijues:
  • Kërkesë për kompensim (Kërkesa mund të merret në arkivin e Komunës së Kërçovës ose të sigurohet nga faqja në internet e Komunës së Kërçovës: kercova.gov.mk;
  • kopje të letërnjoftimit të vlefshëm, si provë se është banor i Komunës së Kërçovës;
  • fotografi nga pajisja/et me dru, qymyr, naftë ose naftë të papërpunuar që i shfrytëzon;
  • vërtetim për tatime dhe taksa të paguara përfundimisht me vitin 2019 (e jep Komuna e Kërçovës – duhet të përgjigjet në emër të kërkuesit);
  • fletëpronësi për objektin ku është instaluar Invertori (duhet të përgjigjet me adresën e letërnjoftimit të kërkuesit – vetëm për personat fizikë dhe vetëm për objekte banimi)
  • deklaratë të verifikuar te noteri dhe se nuk ka të shfrytëzuar subvencione për ngrohje (pajisje me peleta/invertorë) në amvisërinë e vete (objekt banimi) nga Komuna e Kërçovës ose institucion tjetër shtetëror, se deri në dorëzimin e kërkesës ka qenë shfrytëzues i pajisjes për ngrohje për qymyr, dru, naftë, naftë të papërpunuar (ose se punohet për objekt në të cilin deri tani nuk ka patur ngrohje, meqenëse është tash i banuar), se nëse fiton subvencion nuk ka të shfrytëzoj energjenca jo ekologjik për ngrohje, përveç pajisjeve invertorë, në afat prej tre viteve, pas fitimit të subvencionit, se ka obligim t’i kthej mjetet e dhëna, në qoftë se, nuk u përmbahet kushteve për subvencionim, se objekti nuk është në fazë të ndërtimit dhe se në amvisërinë e tij nuk ka anëtar tjetër që ka parashtruar kërkesë për subvencion (ekzemplar të deklaratës do të shpallet në faqen e internetit të Komunës; www.kercova.gov.mk);
  • Theksim: për persona të moshuar dhe të palëvizshëm, deklaratën mund ta japë edhe anëtari i familjes i moshës madhore.
  • Kërkuesit që i përmbushin kushtet nga faza e parë, në mënyrë shtesë do të duhet t’i dorëzojnë edhe dokumentet vijuese:
  • vërtetim origjinal në të cilin qëndron emri dhe mbiemri i kërkuesitm vërtetuar me nënshkrim dhe vulë nga prodhuesi, se pajisjet e furnizuara klimatike invertorë janë të efikasitetit të lartë, dmth. i përmbushin karakteristikat vijuese minimale: ka së paku COP 3.5, ngroh në temperaturë të jashtme prej -15°C dhe është së paku A+ klasë energjetike për shpenzimin e energjisë elektrike për ngrohje (ekzemplar i vërtetimit do të shpallet në faqen e internetit të Komunës: kercova.gov.mk)
  • dëshmi në origjinal se është kryer blerja në vitin 2020 dhe atë me llogari fiskale ose faturë me çertifikatë nga banka afariste për pagesën e kryer në tërësi, dhe
  • kopje të llogarisë bankare.
  • Vërtetim origjinal të verifikuar me nënshkrim dhe vulë nga depoja e autorizuar për hekur, në të cilën qëndron emri dhe mbiemri i Kërkuesit, se pajisja e vjetër për ngrohje është dorëzuar për riciklim.
  • Me përjashtim nga paragrafi 1 i këtij nenin, kërkuesit që kanë objekt të ri të ndërtuar të banimit ose shpërngulen për banim në objekt tjetër, ndërsa nuk kanë asnjëfarë ngrohje, nuk e dorëzojnë dokumentacionin nga paragrafi 1, alinetë 3 dhe 4 të këtij neni. Kjo kategori e kërkuesve do të duhet të dorëzojnë Vërtetim ose dokument tjetër, me të cilin do të tregohet data e ndryshimit të banimit, i cili ndryshim nuk duhet të jetë më vonë prej dt. 1.01.2020 deri më 15 tetor të vitit 2020.
  • Kërkesën për kompensimin e shpenzimeve të kryera gjatë furnizimit të pajisjes, kërkuesit e dorëzojnë sëbashku me dokumentacionin e nevojshëm, në kovertë të mbyllur, përmes Arkivit të Komunës së Kërçovës, ose përmes postës në adresën rr.”Boris Kidriç” nr.1, deri te Komisioni për zbatimin e procedurës për subvencionimin e qytetarëve për furnizimin e pajisjeve klimatike invertorë të efikasitetit të lartë për ngrohje për vitin 2020, çdo ditë pune prej ora 9:00 deri në ora 15:00, më shënim MOS E HAP.

V Mënyra e realizimit të thirrjes publike

Pas shpalljes së Thirrjes publike për kompensimin e shpenzimeve për furnizimin e klimave-invertorë në ueb faqen e Komunës së Kërçovës (www.kercova.gov.mk), në media të shtypura dhe atë në së paku një gazetë ditore në gjuhën maqedone dhe në një gazetë ditore në gjuhën shqipe dhe në media elektronike, në afatin e përcaktuar qytetarët me plotësimin e ekzemplarit (kërkesës), duke përfshirë edhe dokumentacionin e tërësishëm të nevojshëm e dorëzojnë në Arkivin e Komunës së Kërçovës.

Pas përfundimit të Thirrjes publike, Komisioni i formuar nga Kryetari i Komunës së Kërçovës me nr.09-465/1, të dt. 17.02.2020, për atë qëllim kryen kontroll të paraqitjeve të arritura, si dhe kontroll në terren për furnizimin dhe shfrytëzimin e klimave-invertorë.

Komisioni do të përgadisë propozim deri te Kryetari i komunës për sjelljen e Aktvendimeve për pagesë të mjeteve financiare kërkuesve, për të cilit është përcaktuar se i kanë përmbushur kushtet, sipas rendit të kërkesave të arritura, sipas parimit “i pari i ardhur, i pari i shërbyer”, deri në shterjen e mjeteve të siguruara me Buxhetin e Komunës së Kërçovës për vitin 2020 për atë qëllim.

Правилник

Барање

Изјава

Изјава за стари и изнемоштени лица

Потврда- Продавач

Потврда – Отпад

SHPALLJE INTERNE

Në bazë të nenit 30 paragrafi 1 alinea 2,paragrafi 3 dhe 5,neni 48 dhe neni 49 nga Ligji për nëpunësit administrativ (“Gazeta zyrtare e Republikës së Maqedonisë” nr. 27/214, 199/14, 48/15, 154/15, 5/16, 142/16 dhe 11/18), dhe Rregullorja për formën dhe përmbajtjen e shpalljes interne, mënyrën për parashtrimin e paraqitjes për avancim, mënyrën për realizimin e selektimit administrativ , varësisht nga kategoria e vendit të punës për të cilën është publikuar shpallja interne (“Gazeta zyrtare e Republikës së Maqedonisë” nr.11/15 dhe nr.35/18),si dhe Rregullorja për sistematizim të vendeve të punës në Komunën e Kërçovës nr. 08-1761/2 nga17.09.2015, Rregullore për ndryshim dhe plotësim të rregullores për sistematizim të vendeve të punës në administratën komunale të Komunës së Kërçovës (nr. .09-1386/1 nga dt. 26.05.2016 , nr.04-2227/2 nga dt. 06.09.2016 , nr.04-508/1 nga dt. 22.02.2018, nr.09-955/1 nga dt 24.04.2018 09-1990/3 nga dt.08.08.2018 dhe nr.09-2309/3 nga dt.14.09.2018) Kryetari i Komunës së Kërçovës shpall:

SHPALLJE INTERNE
Numër 03/2019
Për plotësimin e vendeve të punës me avancim

1.Udhëheqës i Njësisë për energji efikase dhe burimeve të reja të energjisë me shifër UPR 01 01 B04 000 në Njësinë për energji efikase dhe burimeve të reja të energjisë, në Sektorin për veprimtari komunale, infrastrukturë, komunikacion dhe energji efikase – 1 ekzekutues
Kushtete e veçanta të parapara në vendin e punës të përcaktuara me Ligjin për nëpunësit administrativ dhe aktin për sistematizim:
a)kualifikime profesionale– niveli i kualifikimeve VI A sipas kornizës maqedonase të kualifikimeve dhe më së paku 240 EKTS kredive të fituara ose shkallës VII/1 të mbaruar;
elektroteknik, elektromaqineri ose elektroteknik dhe automatik
b) me përvojë pune edhe atë:
të paktën një vitë përvojë pune në sektorin publik , ose së paku gjatë vite përvojë pune në profesion prej të cilave të paktën dy vite në vend udhëheqës në sektorin privat
c) kompetencat e veçanta të punës dhe atë
-njohuri aktive në prgramet kompjuterike për punë zyre
-vërtetim për provim të dhënë për menaxhim administrativ
-njohuri aktive të njërës nga tri gjuhët më të përdorura në unionin Europian (gjuhë angleze,franceze dhe gjermane)
Shuma neto në të holla nga përmbledhja e pjesës së rrogës themelore me të cilën vlerësohet shkalla e arsimit dhe rroga shtesë për titull është:
28,303,00 den

Kandidatët të cilët aplikojnë në shpalljen interne duhet ti plotësojnë kushtet e përgjithshme si në vijim:
-të jetë shtetas i RM
– të përdorë në mënyrë aktive gjuhën maqedone
-të jetë i moshës madhore
-të ketë aftësi të përgjithshme shëndetësore për vendin e punës dhe
– me aktvendim të plotëfuqishëm gjyqësor të mos ketë ndalesë për ushtrimin e profesionit, veprimin ose detyrës

Në shpalljen interne mund të paraqitet nëpunës administrativ, i punësuar në Komunën e Kërçovës, i cili i plotëson kushtet e përgjithshme dhe të veçanta për plotësimin e vendit të punës të përshkruar në nivelin përkatës në këtë ligj dhe në aktin për sistematizim si dhe:

-Të jetë i vlerësuar me notën ,,A,, ose ,,B,, gjatë vlerësimit të fundit
-të jetë në vendin e punës që është në pajtim me aktin për sistematizim drejt për drejt në nivelin më të ulët nga vendi i punës për të cilin është publikuar shpallja interne
-të ketë kaluar së paku dy vite në vendin aktual të punës dhe
– të mos i jetë shqiptuar masë disiplinore në vitin e fundit para se të publikohet shpallja interne
*Afati për dorëzimin e paraqitjeve është 5 (pesë) ditë, duke llogaritur ditën e publikimit të shpalljes interne.

*Aplikimi i plotësuar dhe dëshmi për të dhënat e përmbajtura në aplikacion, kandidatët duhet ti dorzojnë në fomë të letrës përmes arhivës të Komunës së Kërçovës, deri te Njësia për menaxhimin me resurset njerëzore.

Orari i punës : nga 08:00 deri 16:00

Ditë pune : E hënë – e Premte
Orari javorë i punës :40 orë

Aplikimi i mbushur jo në kohë, jo i plotë dhe jo i rregullt nuk do të jetë lëndë në shqyrtim.
Në fletparaqitje kandidatët janë të detyruar me përgjegjësi materiale dhe penale të konfirmojnë se të dhënat në kërkesë janë të sakta dhe dëshmit e dorëzuara besueshëm ndaj

origjinalit..Kandidati i cili ka futur të dhëna të rrejshme diskualifikohet nga procedura e mëtejshme.

Procedura do të kryhet nga komisioni i përzgjedhur për formimin e avancimit nga ana e Kryetari të Komunës së Kërçovës

FLETËPARAQITJE PËR AVANCIM

Download (DOCX, 14KB)

THIRRJE PUBLIKE

Në bazë të Ligjit për Tatim në pronë  (“Gaz. e RM-së”, nr. 61/2004, 92/2007,102/2008,35/2011, 53/2011,84/2012 ,188/13,154/15,192/15 dhe 23/16), dhe në pajtim me Ligjin për procedurë të përgjithshme administrative (“Gaz. e RM-së” nr. 124/15), Kryetari i Komunës së Kërçovës shpall:

THIRRJE PUBLIKE

Për personat fizikë dhe juridikë të cilët posedojnë pronë në territorin e Komunës së Kërçovës

Thirren të gjithë personat fizikë dhe juridikë të cilët posedojnë pronë në territorin e Komunës së Kërçovës, që në bazë të Ligjit për tatim në pronë janë obliguesë tatimorë të ndërmarrin hapat vijues:

  1. Persona fizikë dhe juridikë të cilët posedojnë pronë në territorin e Komunës së Kërcovës, të cilëve nuk ështe bërë dorëzimi në mënyrë të rregullt i Aktvendimeve për Tatim në Pronë, në një nga mënyrat e parapara në pajtim me nenin 76 deri te neni 86 të Ligjit për Procedurë të Përgjithshme Administrative, janë të obliguar që t’i marrin Aktvendimet për Tatim në pronë për vitin 2019 në hapësirat e Komunës së Kërçovës.
  2. Personat fizikë dhe juridikë të cilët posedojnë pronë në territorin e Komunës së Kërçovës, të cilëve në mënyrë të rregullt u kanë dorëzuar Aktvendimin për tatim në pronë për vitin 2019, të bëjnë shlyerjen e obligimeve që janë të parapara me të njëjtin.

Obligimet  mund t’i paguajnë me fletëpagesën vijuese:

Pranuesi Llogaria e Thesarit
Banka e pranuesit Banka Popullore e RM-së
Llogaria 100000000063095

 

 

Nr.rend. Lloji i tatimit Llogaria pagesore Shifra e të ardhurave
1. Tatimi në pronë për personat juridikë 840-134-02512 713113
2. Tatimi në pronë për personat fizikë 840-134-02507 713111

Kjo thirrje hyn në fuqi me ditën e shpalljes së saj dhe llogaritet se pala është njoftuar me shkrim. Për pasojat negative (pagesë e kundërvullnetshme, ndëshkim me para, shpenzime shtesë etj.), që eventualisht mund të shfaqen, ato do t’i mbulojë vetë pala.

Në qoftë se, keni kryer pagesë që nuk është evidentuar, ose nevojitet të bëhet nivelizimi mbi bazën e tatimit, Ju lutemi të drejtoheni te Komuna e Kërçovës, Njësia për tatim dhe taksa komunale, Zyra nr. 22, për të dorëzuar dëshmitë për pagesat e kryera, ose të na kontaktoni në e-mail adresën vijuese:

Е-mail: kercova2013@yahoo.com

Lista e aktvendimit të shpallur për tatimin në pronë

THIRRJE  PUBLIKE

Në bazë të Ligjit për Taksa Кomunale (“Gazeta zyrtare e RM-së” nr. 61/2004, 64/05, 92/07, 123/12, 154/15,192/15 dhe 23/2016), dhe në pajtim me Ligjin për procedurë të përgjithshme administrative (“Gaz. e RM-së” nr. 124/15), Kryetari i Komunës së Kërçovës shpall:

THIRRJE  PUBLIKE

Për të gjithë personat juridikë që kanë seli të firmës ose përfaqësisë në territorin e Komunës së Kërçovës, ndërsa për të cilët nuk është kryer dorëzim i rregullt i Aktvendimeve për vitin 2019, informohen që t’i ndërmarrin hapat vijuese:

1.Firmat që kanë seli ose përfaqësi në territorin e Komunës së Kërçovës, ndërsa për të cilat nuk është kryer dorëzim në mënyrë të rregull në nkë nga mënyrat e parapara në pajtim me nenin 76 deri 86 të Ligjit për procedurë të pëegjithshme administrative janë të obliguar që t’i marrin Aktvendimet për TK, gjegjësisht titull të hapësirave afariste për vitin 2019, në hapsirat e Komunes se Kërcovës.

2.Obligimet në pajtim me Aktvendimin për TK, gjegjësisht titull i hapësirave afariste jeni të obliguar të bëni shlyerjen e obligimeve që janë të parapara me të njëjtin.

Obligimet mund t’i paguani në fletëpagesat vijuese:

 Pranues Llogaria e thesarit
Banka e pranuesit  Banka popullore e RM-së
 Llogaria  100000000063095

 

 

Nr. rend. Lloji i tatimit Llogaria e pagesës Shifra e të ardhurave
1. Për titull të hapësirave afariste 840-134-03210 717112
2. Për njësi afariste 840-134-03210 717112

Kjo thirrje hyn në fuqi me ditën e shpalljes dhe llogaritet se pala është e njohur me shkrim për punën juridike. Për pasojat negative ( pagesa e kundërvullnetshme, dënim me mjete financiare, shpenzime shtesë etj.),  që eventualisht mund të shkaktohen, do të duhet t’i bartë vetë pala.

Në qoftë se keni realizuar pagesë, ndërkaq ende nuk janë të evidentuara, ose duhet të vijojë nivelizimi i tyre mbi bazën e tatimit, Ju lutemi që të drejtoheni në Komunën e Kërçovës, Njësia për Tatim dhe Taksa komunale, zyra nr. 22, për të dorëzuar provë për pagesën e realizuar, ose na kontaktoni në e-mail adresën vijuese:

Rr. “Boris Kidriç” nr.1 – Kërçovë

Е-mail: kercova2013@yahoo.com

Lista e aktvendimit të shpallur për firmarina

THIRRJE PUBLIKE

KOMUNA E KËRÇOVËS

Në bazë të Ligjit për mbrojtje sociale (“Gazeta zyrtare e RMV” nr. 104 të dt. 23.5.2019), si dhe për realizimin e “Projektit për përmirësimin e shërbimeve sociale” nga ana e Ministrisë për Punë dhe Politikë Sociale
Komuna e Kërçovës shpall:

THIRRJE PUBLIKE
Për identifikimin e dhënësve të interesuar të shërbimeve sociale.

Një nga qëllimet kryesore të projektit është zhvillimi dhe përmirësimi i cilësisë së shërbimeve sociale në bashkësinë lokale, në pajtim me nevojat e qytetarëve dhe rritjen e qasjes deri te shërbimet sociale të destinuara për grupet e cenueshme të qytetarëve, personat më të moshuar, personat me aftësi të kufizuara dhe persona tjerë, për çka Ministria e Punës dhe Politikës Sociale siguron Grante të destinuara për projektin me shumë të përgjithshme prej 10,8 milion euro për periudhën e zbatimit prej 5 vitesh.

1. Lloji i projekteve që do të përkrahen
Komuna e Kërçovës deri te Ministria e Punës dhe Politikës Sociale do të mund të aplikoj për Grante të destinuara për projekte për zhvillim të shërbimeve sociale në bashkësinë lokale, duke kyçur shërbim social të drejtpërdrejtë, ndihmë individëve ose familjeve, përkujdesje shtëpiake, asistencë personale, përkujdesje ditore, përkujdesje e përkohshme, shtëpi të vogla grupore, qendra ditore dhe shërbime për banim me përkrahje dhe shërbime tjera inovative në komunitet;
2. Mjete të parapara – Grantet do të jetë të financuara nga MPPS dhe do të jenë të drejtuara drejt zhvillimit të shërbimeve që do t’i siguroj komuna në bashkëpunim me dhënës tjerë të shërbimeve (shoqata të qytetarëve, persona fizikë dhe juridikë). Mjetet nga granti do të jenë të destinuara për vendosjen e shërbimeve dhe financimin e shërbimit pas shfrytëzuesit sipas çmimit të përcaktuar të shërbimit në 12 muajt e ardhshëm.
3. Kritere themelore të organizatës – Kritere themelor të organizatës që duhet t’i përmbushin shoqatat dhe fondacionet që marrin pjesë në këtë thirrje janë:

– Të jenë të regjistruara sipas Ligjit për shoqata dhe fondacione
– Të merren me aktivitete dhe projekte të interesit publik
– Personi fizik që më vete kryen punë nga mbrojta sociale si veprimtari profesionale që posedon leje të dhënë për kryerjen e mëvetësishme të veprimtarisë profesionale (neni 129,130,131,132,133,134 të Ligjit për mbrojtje sociale “Gazeta zyrtare e RMV”, nr. 104 të dt. 23.5.2019)

4. Dokumentacion i nevojshëm që shoqata/fondacioni duhet ta dorëzoj
1. Propozimprojekti;

2. Statut dhe Aktvendim për regjistrim të shoqatës ose fondacionit;

3. Raport për realizimin e aktiviteteve të projekteve, në qoftë se, kanë qenë shfrytëzuesë të mjeteve nga buxheti komunal për vitin fiskal paraprak;

4. Kopje të lejes për kryerje të mëvetësishme të veprimtarisë profesionale për personat fizikë që kryejnë punë të mbrojtjes sociale si veprimtari profesionale.

5. Afati dhe mënyra e dorëzimit të paraqitjeve
Afati për parashtrimin e paraqitjeve është 20 (njëzet) ditë nga dita e publikimit të shpalljes në gazetat ditore dhe në web faqen e Komunës së Kërçovës.
Paraqitja me dokumentacionin e tërësishëm të dorëzohet përmes postës, në adresën:
Komuna e Kërçovës, rr. “Boris Kidriç” nr.1, 6250 Кërçovë, ose në Arkivin e Komunës nga ora 08:00 deri në ora 16:00, me shënim – Dhënës të interesuar të shërbimeve sociale.

Dhënësit e interesuar të shërbimeve, pasi që ta shfaqin interesin e vet, si dhe në qoftë se, Komuna llogarit se ka nevojë për shërbimin e propozuar social, sëbashku me dhënësin e interesuar do ta parashtroj aplikimin deri te Ministria e Punës dhe Politikës Sociale të RMV-së. Shoqatat dhe fondacionet pjesëmarrëse në thirrjen publike do të jenë të njoftuara për rezultatet pas shpalljes së Vendimit për shpërndarjen e mjeteve në “Fletoren zyrtare të Komunës së Kërçovës”. Emrat e shoqatave dhe fondacioneve që kanë fituar mjete për projektet, do të jenë të shpallur në web faqen e Komunës së Kërçovës.

EKZEMPLAR PËR SHPREHJEN E INTERESIT Për aplikim për grant për zhvillim të shërbimeve sociale